وصلتني هالرساله ع الايميل اعجبتني جداً فيها تذكير لشي غافلين عنه
واكيد استفدت منها وحبيت ان الجميع تعمهم الفائده
مر علينا في هالسنه ست آيات ! توقف المطر وموت الحيوانات وموت الطيور وزياده الأسعار وانهيار الأسهم وخسوف القمر ومانزل بلاء إلا بذنب ~ السؤال \ متى بنصحى ؟ ليه قلوبنا قاسيه لدرجه إننا نعرف إن القمر ما يخسف إلا لغضب الله .. ونجي بكل برود ناخذ للخسوف صور تذكاريه ..! إلى متى واحنا نقوم ونقعد وأكبر همومنا ماتتعدى هالدنيا ؟ ندعي حب الله ! وحب رسوله ! وحب دينه ! وش سوينا ! ~ وش قدمنا لديننا ؟ إذا جاء الإسلام يوم القيامه على هيئه رجل عشان يعلن من اللي عزه ومن اللي أذله بنكون مع أي صف ؟ تدرون إن الإسلام بيمر علينا واحد واحد .. وبيقول هذا نصرني وهذا أذلني .. تدرون إنه لما يوقف عند عمر بن الخطاب رضي الله عنه وأرضاه بياخذ بيده وبيرفعها وبيقول : كنت غريباً حتى أسلم هذا ! خلونا لو مره وحده نستغل وقتنا وطاقاتنا بشي خارج نطاق اهتماماتنا الدنيويه ! ' دعونا نري الله منا مايحب ' ونطلقها لأجله في كل مكان نستطيع الوصول إليه :
حملة استغفار ماراح تكلفنا شي ونتايجها ...
* راحه البال وانشراح الصدر وطمأنينه القلب والمتاع الحسن في {اسْتَغْفِرُوا رَبَّكُمْ ثُمَّ تُوبُوا إِلَيْهِ يُمَتِّعْكُمْ مَتَاعاً حَسَناً} [هود: 3]. * قوة الجسم وصحه البدن والسلامة من الآفات والأمراض في {اسْتَغْفِرُوا رَبَّكُمْ ثُمَّ تُوبُوا إِلَيْهِ يُرْسِلِ السَّمَاءَ عَلَيْكُمْ مِدْرَاراً وَيَزِدْكُمْ قُوَّةً إِلَى قُوَّتِكُمْ} [هود: 52]. *دفع الكوارث والسلامة من الحوادث والأمن من الفتن والمحن في {وَمَا كَانَ اللَّهُ لِيُعَذِّبَهُمْ وَأَنْتَ فِيهِمْ وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ} [لأنفال:33]. *الغيث المدرار والذرية الطيبه والولد الصالح والمال الحلال والرزق الواسع في {اسْتَغْفِرُوا رَبَّكُمْ إِنَّهُ كَانَ غَفَّاراً * يُرْسِلِ السَّمَاءَ عَلَيْكُمْ مِدْرَاراً * وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَاراً} [نوح :10ـ12]. * تكفير السيئات وزياده الحسنات ورفع الدرجات في {وَقُولُوا حِطَّةٌ نَغْفِرْ لَكُمْ خَطَايَاكُمْ وَسَنَزِيدُ الْمُحْسِنِينَ} [البقرة: 58].
مرت عليكم هالآيات .. قريتوها ! أكيد قريناها.. بس ما اسشعرناها للآن ! وش نبي أكثر من كذا !! .. لا لحظة فيه شي بعد !
حديث كلما تذكرته انشرح صدري حتى لو أنا في أتعس حالاتي : ' من لزم الإستغفار جعل الله له من كل هم فرجاً ومن كل ضيقٍ مخرجاً ورزقه من حيث لا يحتسب '
مره قالت لي أستاذه- الله يوفقها وين ماراحت- إذا نسيتي شي من اللي ذاكرتيه اقلبي الورقه واستغفري وبتذكرينه بإذن الله ! ماصدقت لين جربتها بنفسي .. وعلى فكره تراي جربتها مو في شي نسيته لا جربتها في شي ما أعرفه أصلاً ولا مر علي .. وطرت علي إجابه إقتنعت إني أحطها بالمكان الفاضي و'شي أحسن من لا شي' العجيب إني طلعت من القاعه وسألت البنات عن السؤال وطلعت الإجابه اللي حطيتها هي بالضبط الجواب المطلوب ! تتوقعون بس هذي نتايج الإستغفار .. لا
شخص أعرفه على صراع دائم مع ' معدته ' يقول إذا صالت خلاص مالي إلى المستشفى وإبرتين مسكن .. يقول مره كان عندي اجتماع مهم خلصت أشغالي ويوم جيت أنام بدت معدتي تلمح .. وشوي شوي الألم يزيد .. يقول جلست أستغفر بفراشي لين ....... غفيت و ما حسيت إلا والمنبه يدق على وقت الاجتماع صحيت وأنا مابي إلا العافيه يعني يقدر الواحد يستغفر بنيه الشفاء أو بنيه طلب الرزق أو بنيه الذريه الصالحه أو بنيه المغفره .. ومع كل اللي قلته استغفارنا بحد ذاته حسنات تثقل ميزاننا إذا وضع الميزان .. بيجي يوم نتمنى إن رصيدنا يزيد حسنه .. حسنه وحده بس يرجح بها الميزان يومها بنتذكر إننا فوتنا على أنفسنا حديث عظيم وفرصه أعظم لثروة من الحسنات .. عن عبادة بن الصامت رضي الله عنه قال : سمعت رسول الله صلى الله عليه وسلم يقول : ' من استغفر للمؤمنين والمؤمنات ، كتب الله له بكل مؤمن ومؤمنة حسنة ' رواه الطبراني وحسنه الألباني في صحيح الجامع
متخيلين ! بدعاء بسيط كم كسبنا من حسنه ! كم مليون تتوقعون ! يارب رحمتك وهنا مقاله رائعه لـ محمد إبراهيم الحمد فصل فيها فضل الإستغفار وأوقاته وصيغه
لا تخلون لإبليس فرصه ..خلونا نشد الهمه .. استعيذوا بالله من الشيطان الرجيم ومدو لي يديكم .. نبي ننشر هالحمله على قد مانقدر .. نبي يشترك فيها الكاتب والمصمم والمصور .. كلنا هدفنا واحد .. نبي ربي يغفر لنا ويرضى عنا .. ياربي لو ما نحصل منها إلا رضاك يكفينا
مستعدين ؟ أنا كتبت هالكلام وأنا واثقه إن فيه غيري بيكتبه بطريقه أفضل ! وأشمل ! وأقوى ! مع إني تعمدت أخليه بلهجتنا المتعارف عليها لأن ودي يوصل كلامي لشريحه يحبون يقرونها كذا فلا تتوانون .. اكتبوه بطريقتكم وانشروه في كل مكان تقدرون توصلون له .. منتديات .. مدونات .. ايميلات .. مدارس .. محاضرات .. جامعات .. شدوا الهمه .. وتذكروا إن كل حرف تكتبونه بيصير لكم دخل لا محدود من الحسنات شي ندري عنه وشي عمرنا ماراح نتخيله
سويت شعار بسيط للحمله تلقونه في توقيعي
وتصميم بسيط يصلح يكون أفيتار
واثقه بإذن الله إن هالحمله بيصير لها صدى كبير ..كبير وبيسمع بها القريب والبعيد .. واثقه من إبداعكم وطيبة قلوبكم .. وبإننا مهما تمردنا ومهما أذنبنا فينا نبته طيبه بس تنتظر أحد يسقيها عشان تثمر وتؤتي أُكلها ضعفين
هي كلمه وحده ' استغفر الله ' خلوها بكلامكم مكان النقطه والفاصله
???? زائر
موضوع: تسلمي 28/3/2009, 11:12
مشكوووووووووووووووووووره اخت سمايل على الاببداع
كبرياء آنثى المدير العام
موضوع: رد: حملة استغفار 14/9/2009, 03:21
هـــــــــــاي
ادمنت ح ـــــبك مشرفة دلـع ماسنجركـ
موضوع: رد: حملة استغفار 17/9/2009, 15:23
مشكوووووووووووووووووووره جــــــــــــزاكـ الله خير وجعله في ميزان حسناتكـ دمتي كمــــــــا تحبين تقبلي مروري
13/1/2010, 09:35 من طرف رنووو
